Aralıq dənizində 200-ə qədər miqrantın olduğu qayıq batıb. Bu barədə Beynəlxalq Miqrasiya Təşkilatı və BMT-nin Miqrasiya Komissarlığı məlumat yayıb. Məlumata görə, qayığın batması xəbərini xilas olan miqrantlar veriblər. Xilas olanlar İtaliyanın Siciliya adasına çıxa biliblər. Rəsmilər təxminən 180 insanın öldüyünü düşünür. Bu faciə 2017-ci ilin ilk böyük faciəsi olaraq qeydə alınıb. Qeyd edək ki, ötən ilin statistikasına görə 5 min miqrant Aralıq dənizində batıb.