Sabunçu rayonunun Maştağa qəsəbəsində yaşayan Seyidməhərrəm Seyidova məxsus evdə təbii qazın sızmasından partlayış baş verib. Gunaz.az DİN-ə istinadən xəbər verir ki, hadisə nəticəsində evin pəncərələrinin şüşələri sınıb, içəridəki əşyalar yanıb. Yanıq xəsarəti alan S.Seyidov xəstəxanaya yerləşdirilib. Hadisə ilə bağlı müvafiq qurumlar tərəfindən araşdırma aparılır.