SON DƏQİQƏ

AY MUSA YAQUB

Tarix:

13-05-2019, 17:11

/ 700 dəfə oxundu.
AY MUSA YAQUB

Xalqın Şairi Musa Yaqubun doğum günüdür
Nəriman Zeynalzadənin facebook səhifəsində paylaşdığı bu düşündürücü şeir yəqin Musa Yaqubun ürəyicə olardı.

 

Qarğalar qartalın qanadın taxıb,
Qartallar qanadsız, ay Musa Yaqub.
Dayazlar ad alıb, dərin oldular,
Musa Yaqub adsız, ay Musa Yaqub.

Çaqqallar yedilər qurdun ürəyin,
Söküb dağıtdılar Yurdun ürəyin,
Biri demədi ki, qırdın ürəyin,
Bu Vətən də baxtsız, ay Musa Yaqub.

Hər yolun, cığırın izi səndədir,
Hər yanan ocağın közü səndədir,
Şeriin ürəyi, gözü səndədir,
Sözdən uca taxtsız, ay Musa Yaqub

Od yaxıb yandıran Odlar elindən,
Gəlmişik dünyaya ata belindən,
Verdiyi nəfəsi, canı əlindən,
Tanrı almır vaxtsız, ay Musa Yaqub.

06.04.2019

скачать dle 12.1

Şərhlər

XƏBƏR LENTİ