Sərvər MƏSUM
Təbriz , Bakı qədər əzizsən mənə
Qurbanam mən sənin boyuna Kərkük.
Anamız , atamız , babamız birdi
Bağlıyıq Oğuzun soyuna Kərkük.
İllərdi başında dolaşıb bəla,
Türkmən qardaşlara olmusan qala,
Neçə əsrləri vermisən yola,
Düşmüsən qəfildən oyuna Kərkük.
Mosulla , Ərbillə sən ver ələlə,
Azadlıq , istiqlal öndədir hələ,
Gələcəm əlimdə bir dəstə lalə,
Sənin bayramına , toyuna Kərkük.