Bu təpəni görürsən? Burda atam yatıbdır. O təpəni görürsən? Orda babam yatıbdır. Hələ o dağı demə, O dağın təpəsində Ulu dədəm yatıbdır. Bura Cocuq Mərcanlı, O dağ Şahdağ, Bu biri isə Soyuq, Xoydasa gözəl Əvrin, Urmuda Buzlu Sinə, O yanda Tikan Təpə, O da Sultan Savalan, Bu Səhənd, o da Əlvənd; Bura Azərbaycandır. Bu qutsal torpaqlara Qonaqsan, xoş gəlibsən, Bir də yüz illik olsun, Qonaq ancaq qonaqdır. Ev yiyəsi minlər il Torpağın qarışına Minlərlə can, qan vermiş Ulu babalarımdır. Onunçün bu torpaqdan Gəlib keçdiyin zaman Səssiz ol, sayqılı ol. Bizim ulu babalar Qonağa hörmətlikən Hörmətsizliyi sevməz. Harda qalsın qonaqkən Torpaq iddiasıyla Həddini aşıb daşma; Bura Azərbaycandır,
Həyasızlığa dözər, Abırsızlığa dözər, Nankorluqları amma Saqın, heç vədə sevməz! Gördüyün hər bir daşın Gördüyün hər bir qaşın Min illərlə yoğrulmuş Zəngin bir yaddaşı var. Kayinatın iliyi Sümüyünə işləşmiş Tarixi var, yaşı var. Bu qutsal torpaqlara Qaçıb sığındığnı, Bu xalqın qapısına Pənah gətirdiyini Saqın, heç vaxt unutma! Sənə yazığı gəlib Qucağını açıbsa, Saqın nankorluq etmə! Bura Azərbaycandır, Sən bir qonaqsan ancaq! Araz Əhmədoğlu, Aprel 08, 2017, Xoy.
