İstanbulda gecə klubunda baş verən silahlı hücumdan sonra Türkiyənin qərbində terror aktını təşkil etmək şübhəsi ilə 20-dən çox adam saxlanılıb. Əməliyyat İzmir vilayətində çərşənbə günü keçirilib. Saxlanılanlar, əslən Orta Asiya və şimali Afrikadan olan xarici vətəndaşlardır. Türkiyənin XİN rəhbəri Mövlud Çavuşoğlu bəyan edib ki, terrorçunun kimliyi artıq müəyyən edilib. Onun adı istintaq maraqlarına görə açıqlanmır.
