Koronavirusa yoluxan Qazaxıstanın eks-prezidenti Nursultan Nazarbayev özünü yaxşı hiss edir.
GunAz.az xəbər verir ki, bunu Nazarbayevin mətbuat katibi Aydos Ukibay mətbuata açıqlamasında deyib. O bildirib ki, Nazarbayev xəstəliyi simptomsuz keçirir:
"Onun temperaturu stabildir və həkimlərin nəzarəti altındadır. Həkimlər narahatlıq üçün heç bir əsas olmadığını bildirirlər”.
Mətbuat katibi onu da vurğulayıb ki, Nazarbayev izolyasiya tədbirləri çərçivəsində distant rejimdə çalışır:
"Bu günlərdə dost ölkələrin liderləri ilə telefonda danışıb. İş fəaliyyətində müasir rabitə vasitələri, videokonfranslar və xüsusi dövlət rabitə vasitələrindən istifadə olunur. Ofis sənədləri isə sanitariya normalarına uyğun şəkildə ötürülür”.
