Avropa Şurasının rəhbəri Donald Task, Rusiyanın Avropa Birliyinin strateji tərəfdaşı olmadığını bildirib. Onun fikrincə əksinə, Moskva AB üçün strateji problemdir.
“Demək olar ki, hər həftə Aİ-nin digər liderlərinə Rusiyanın bizim strateji tərəfdaşımız deyil, strateji problemimiz olduğunu xatırlatmalıyam. Bu mövzuda çox diqqətli olduğum üçün hətta məni manyak adlandırdılar ”, - deyə o bildirib.
GunAz.az RT-yə istinadla xəbər verir ki, Task "Kremlin təcavüzkar siyasəti”nin Avropa Birliyi üçün əsas sınaqlardan birinə çevrildiyini də qeyd edib.
Avropa Şurasının rəhbəri, Fransa lideri Emmanuel Makronun istədiyi kimi Polşanın Rusiyaya qarşı münasibətini dəyişdirməyə inandırmaq niyyətində olmadığını bildirmişdi.
N.SAFURA
