Əfqanıstan Ordusunun generalı Əbdül-Mübin Müctəba Qəzni əyalətinin Qarabağ rayonu ərazisinə baş çəkən zaman terror edilib.
GunAz.az BBC.Farsi-ə istinadla xəbər verir ki, Əfqanıstan Ordusunun diviziya komandanı general Əbdül-Mübin müctəba Qəzni əyalətinin Qarabağ rayonu ərasizində Taliban tərəfindən terror edilib.
Məlumata görə terror aktı toplantı zamanı Əfqanıstan ordusunun 3 əsgəri tərəfindən həyata keçirilib. Hücum edən şəxslər öldürülüb.
Terror aktından sonra Taliban bəyanat yayaraq bu terror aktını üzərinə götürüb. Taliban iddia edib ki, ordu generalı ilə yanaşı ABŞ-ın bir neçə zabiti də öldürülüb.
Əfqanıstan prezidenti Əşrəf Qəni bu hadisəni pisləyib və generalın ailə və yaxınlarına başsağlığı verib.
N.SAFURA
