SON DƏQİQƏ
» » Bakı ilə Şarm-əş-Şeyx arasında birbaşa uçuşlar həyata keçiriləcək

Bakı ilə Şarm-əş-Şeyx arasında birbaşa uçuşlar həyata keçiriləcək

Tarix:

17-06-2019, 17:34

/ 1 893 dəfə oxundu.
Bakı ilə Şarm-əş-Şeyx arasında birbaşa uçuşlar həyata keçiriləcək

"Gələn aydan etibarən Bakı ilə Şarm-əş-Şeyx arasında birbaşa uçuşlar həyata keçiriləcək".

GunAz.az xəbər verir ki, bunu Misirin turizm naziri Rania əl-Mashatın Azərbaycana səfəri ilə əlaqədar keçilmiş tədbirdə deyib.

Nazir 2017-2018-ci illərdə iki dövlət arasında turist axınının artdığını bildirib:

"Misirin gəlirlərinin 20 faizdən çoxu turizm sahəsinin payına düşür. Turizmə böyük önəm veririk. 2018-ci ilin sonundan etibarən turizmin inkişaf planını həyata keçiririk. Bunun nəticəsi olaraq, Bakı ilə Şarm-əş-Şeyx arasında birbaşa uçuşlar həyata keçiriləcək", - deyə o bildirib.

Nazir Azərbaycandan Misirə turist cəlb etmək istədiklərini vurğulayıb: "İki ölkə arasında siyasi əlaqələr də yüksək səviyyədədir. Turizm əlaqələri də siyasi əlaqələrin üzərində qurulub".

Rania əl-Mashat Misirin təhlükəsizliyinə böyük önəm verildiyini bildirib və əlavə edib ki, ölkəyə səfər edənlərin çoxluğu təhlükəsizliyə olan etimadı bir daha sübut edir.

Xatırladaq ki, iyulun 18-dən etibarən Qazaxıstanın Azərbaycandan beşinci “hava azadlığı” hüququnu qazanan “SCAT Airlines” aviaşirkəti Bakı–Şarm-əş-Şeyx marşrutu üzrə həftəlik reyslər yerinə yetirəcək. Uçuşlar hər cümə axşamı "Boeing 757-200" tipli təyyarələr vasitəsilə reallaşdırılacaq.

скачать dle 12.1

Şərhlər

XƏBƏR LENTİ