ABŞ-ın sahil mühafizə xidmətinə aid döyüş gəmisi Venesuelanın ərazi sularına daxil olub.
Bu haqda Venesuela hərbi dəniz donanmasının “Twitter” hesabında məlumat yayılıb.
İnsident mayın 8-də günorta saatlarında baş verib. “USCGC James” kateri Latın Amerikası ölkəsinin sahillərinə (Quaira limanı) 26 km məsafəyə qədər yaxınlaşıb.
Gəminin ərazi sularından uzaqlaşdırılması üçün Bolivar respublikasının hərbi dəniz donanmasına aid patrul gəmisi səfərbər olunub. Radiorabitə yolu ilə edilmiş xəbərdarlıqdan sonra ABŞ gəmisi Venesuela sularından çıxıb.
