Rusiyanın maliyyə nazirliyi martın 21-də avro və dollar istiqrazlarının buraxılması ilə bağlı ərizə jurnalı açıb.
Bu haqda “İnterfaks” məlumatlı mənbəyə istinadla informasiya yayıb.
Agentliyin yazdığına görə, yeni dollar istiqrazları üzrə ödəniş tarixi 2035 –ci il olacaq. Həmçinin ödəniş tarixi 2025-ci ilin dekabr ayına nəzərdə tutulan avrobondaların (avro istiqrazlar – red) da buraxılışı planlaşdırılır. Bu istiqrazların 1 milyard avro həcmində olacağı bildirilir.
Mənbənin dediyinə görə, dollar istiqrazları üzrə gəlir göstəricisi illik 5,5 faiz, avrobondlarda isə 2,6 faiz təşkil edəcək.
