Rusiyanın Xakasiya Respublikasının rəhbəri Valentin Konovalovun 27 yaşında ikən Krasnoyarsk ərazisində Minusink şəhər hərbi komissarlığından gizləndiyi ortaya çıxıb.
GunAz.az xəbər verir ki, komissarlıq 31 yaşlı Konovalovu 2014-cü ildə tapa bilməyib, onun çağırışdan yayındığı bildirilir. Bu barədə “Televedenie Abakan” Minusinsk şəhər hərbi komissarlığının mətbuat xidmətinə istinadən məlumat yayıb.
Xakasiya başçısının mətbuat və informasiya şöbəsinin müdiri Yelena Perestoronina “TASS “ agentliyinə açıqlamasında bu informasiyanın əsassız olduğunu bəyan edib.
“REN TV” isə V. Konovalovun 2014-cü ildən əsgərlikdən yayındığı ilə bağlı sənədləri əldə edib.
Krasnoyarsk ərazisinin hərbi komissarı A. Lısenko rəsmi sorğuya cavab mətnində Konovalovun hələ də komissarlığa müraciət etmədiyini bildirib.