Moskvada səfərdə olan İsrail baş naziri Benyamin Netanyahu Rusiya prezidenti Vladimir Putinlə görüşüb.
GunAz.az DHA-ya istinadən xəbər verir ki, görüşdə iki ölkə arasında ticarət, iqtisadi və humanitar əməkdaşlıq, beynəlxalq və regional problemlər, Suriyadakı son vəziyyət və İsrail-Fələstin münaqişəsi müzakirə edilib.
Qeyd edək ki, bu, ötən ilin sentyabrında Rusiyaya məxsus hərbi təyyarənin Suriyada vurulmasından sonra iki ölkə liderləri arasında ilk görüşdür. Rusiya və İsrail arasında yaşanmış gərginliyin bu görüşdən sonra aradan qaldırılacağı gözlənilir.
N.SAFURA
