Qahirənin Ramsiz vağzalında baş verən partlayış anları nəzarət kameralarının yaddaşına düşüb. RİA Novosti-nin məlumatına görə, videoyazıları sosial şəbəkə istifadəçiləri yayıblar.
Xatırladaq ki, bu gün səhər saatlarında böyük sürətlə gələn lokomotiv platformaya çırpılıb və enerji çəni partlayıb.
Alov sürətlə platforma və vaqonlara yayılıb. Hadisə nəticəsində 29 nəfər həlak olub, 50-dən çox şəxs xəsarət alıb.
Yanğından sonra ölkənin nəqliyyat naziri Hişam Ərəfat Mehdi Əhməd istefa verib.
