İranda yayımlanan “Qanun” qəzetinin çapına bir müddətlik qadağa qoyulub.
GunAz.az İSNA-ya istinadən xəbər verir ki, Tehrandakı Mədəniyyət və Media məhkəməsi sözügedən qəzetin bu gündən etibarən çapının dayandırılması barədə qərar qəbul edib.
Qərarın qəzetin ötən gün manşetə qaldırdığı xəbərlə bağlı olduğu deyilib.
Belə ki, manşetdə Suriya Prezidenti Bəşər Əsədlə İranın ali dini lideri Əli Xamaneinin qucaqlaşdığı fotoya “Dəvətsiz qonaq” başlığı yazılıb.
Qadağanın müddəti ilə bağlı məlumat verilməyib.
