Nigeriyada prezident seçkiləri öncəsi Kaduna əyalətinə silahlı hücum olub. Nəticədə 66 nəfər ölüb.
“Qafqazinfo” xəbər verir ki, əyalətin sözçüsü Samuel Aruvan bildirib ki, hücum nəticəsində xeyli insan yaralanıb. Lakin kimin tərəfindən törədildiyi hələlik məlum deyil.
Bölgəyə xeyli sayda təhlükəsizlik qüvvələri əməkdaşı cəlb edilib, araşdırmaya başlanılıb.
Ölkədə sabah baş tutacaq seçkidə dövlət başçısı Məhəmməd Buxari və Xalq Demokratik Partiyasından olan Atiku Abubakar güclü namizədlər olaraq göstərilirlər.
