Levon Ter-Petrosyan Nikol Paşinyanın “xaç atası”dır, o, özü isə satqındır.
GunAz.az News.am portalına istinadən xəbər verir ki, bu fikirləri “Əriklər ölkəsi” partiyasının sədri Zauri Postancyan deyib.
Onun sözlərinə görə, Nikol Paşinyan xüsusən də Qarabağ məsələsi ilə bağlı “xaç atası”nın siyasətini davam etdirir.
Postancyan deyib ki, əgər əvvəl Paşinyan Serj Sarqsyanı satqın adlandıraraq, onun rejimini devirməyə çalışırdısa, indi o, Qarabağ məsələsi ilə bağlı “satqın siyasət” aparır.
“İnqilabi hərəkat torpaqların qaytarılması yolu ilə Qarabağ probleminin və yeddi milyard xarici borcla çətin iqtisadi vəziyyətin həlli fonunda reallığa çevrildi. Bu, xəyanətkar xəttin davam etdirilməsi məqsədilə hakimiyyətin dəyişməsi zərurətini yaradıb”, - o qeyd edib.
