Gürcüstan Daxili İşlər Nazirliyi dekabrın 2-də paytaxt Tbilisinin Vake-Saburtalo rayonunun Liaxuri küçəsindəki oteldə xüsusi əməliyyat keçirib.
GunAz.az xəbər verir ki, xüsusi əməliyyat nəticəsində qanunsuz olaraq odlu silah saxlamaqda şübhəli bilinən 7 nəfər Ukrayna vətəndaşı saxlanılıb.
Hazırda “bir qrup şəxs tərəfindən odlu silah, partlayıcı maddə, sursat, partlayıcı maddələrin hazırlanması üçün xammal və digər təhlükəli vasitələrin saxlanılması, daşınması və satışı” maddəsi ilə araşdırma aparılır.
Saxlanılan şəxslərdən birinin Ukraynanın “Donbas” taborunda döyüşmüş keçmiş gürcü hərbçisi Luka Çxetiya olduğu bildirilir.
