“Tərəfləri müharibənin qaydalarına uymağa çağırırıq. Mülki şəxsləri, yaşayış məntəqələrini hədəfə alan hücumlarla bağlı araşdırma aparılmalıdır. Yəmən xalqının daha az zərər görməsi üçün tərəflər siyasi həllə nail olmalıdırlar”.
GunAz.az xarici mediaya istinadən xəbər verir ki, bunu ABŞ Dövlət Departamentinin rəsmi nümayəndəsi Hizer Noyert Yəməndəki mövcud durumla bağlı deyib.
Hizer Noyert daha sonra hər kəsi Yəməndə sabitlik üçün töhfə verməyə çağırıb.
Qeyd edək ki, Səudiyyə Ərəbistanının liderlik etdiyi koalisiyanın Yəməndə bir avtobusa hücumu nəticəsində 51 nəfər həlak olub, 79 nəfər yaralanıb.
