Dağlıq Qarabağ münaqişəsinin nizama salınması üzrə danışıqlar prosesinin yenilənməsi üçün müəyyən hazırlıq mərhələsi lazım ola bilər.
GunAz.az “RİA-Novosti” agentliyinə istinadən xəbər verir ki, bu haqda Ermənistanın baş naziri Nikol Paşinyan jurnalistlərə bildirib.
"Biz artıq bildirmişik ki, hadisələrin istənilən inkişaf ssenarisinə, o cümlədən (Qarabağ üzrə – red.) danışıqların bərpasına hazırıq, lakin düşünürəm ki, hamı başa düşür ki, danışıqlar prosesi üçün, xüsusilə də hazırkı siyasi şəraitdə müəyyən hazırlıq mərhələsi və müəyyən ilkin şərtlər lazımdır”, - Paşinyan bildirib.
Baş nazir həmçinin bildirib ki, hələlik onun Azərbaycan Prezidenti İlham Əliyevlə mümkün olacaq birinci görüşü haqqında heç bir xəbər yoxdur.
