SON DƏQİQƏ
» » Medvedev: “Bu, Rusiyaya qarşı müharibə elanıdır”

Medvedev: “Bu, Rusiyaya qarşı müharibə elanıdır”

Tarix:

10-08-2018, 09:07

/ 10 245 dəfə oxundu.
Medvedev: “Bu, Rusiyaya qarşı müharibə elanıdır”

ABŞ-ın Rusiyaya qarşı sanksiyaları gücləndirməsi iqtisadi müharibə elanı deməkdir.

GunAz.az “RİA-Novosti” agentliyinə istinadən xəbər verir ki, bu haqda Rusiyanın baş naziri Dmitri Medvedev bildirir.

Medvedevin sözlərinə görə, bu müharibəyə reaksiya vermək lazımdır.

“Cavab iqtisadi, siyasi və ehtiyac olduğu halda başqa metodlarla olacaq. Və bizim amerikalı dostlarımız bunu anlamalıdır", - Rusiyanın Nazirlər Kabinetinin başçısı vurğulayıb.

O qeyd edib ki, sanksiyalar hər halda ölkə iqtisadiyyatına təsir edir:

“Bunda yaxşı heç nə yoxdur, çünki hər cür məhdudiyyətlər nəticədə iqtisadiyyatın əhvalına və valyutanın kursuna təsir edir”.

Baş nazir xatırladıb ki, Moskva barəsində sanksiyalar daha əvvəllər də dəfələrlə tətbiq edilirdi.

“Son 100 ildə ölkəmiz daimi sanksiyalarla üzləşib. Bunlar nə üçün hazırlanır? Rusiyanı beynəlxalq sahədə güclü rəqiblər arasından təmizləmək üçün”, - baş nazir söyləyib.

O qeyd edib ki, Rusiya XX əsrin başlanğıcında yaxşı inkişaf edirdi və sovet dövrünün bütün çətinliklərinə baxmayaraq, sürətli inkişaf var idi.

“Bu, çoxların, ilk növbədə, ABŞ və onun müttəfiqlərinin xoşuna gəlmirdi. Və indi də heç nə dəyişməyib”, - Medvedev deyib.

Qeyd edək ki, Dövlət Departamentindən verilən məlumata görə, Sergey Skripal işi ilə bağlı məhdudlaşdırıcı ölçülərin ilk paketinin avqustun 22-də tətbiqi təxmin edilir.

Moskva kimyəvi silahı bundan sonra tətbiq etməyəcəyi barədə inandırıcı zəmanətlər verməsə, ABŞ hakimiyyəti 3 ay sonra - 2018-ci ilin payızında Sergey Skripal işi ilə əlaqədar Rusiyaya qarşı sanksiyaların ikinci paketini qəbul etmək niyyətindədir.

Sanksiyaların ikinci paketi diplomatik münasibətlərin əhəmiyyətli ixtisarını, “Aeroflot” dövlət aviaşirkətinin ABŞ-a uçuşlarının dayandırılmasını, həmçinin ixrac və idxala demək olar ki, tam məhdudiyyətin tətbiqini özünə daxil edə bilər.

Xatırladaq ki, Rusiya Baş Kəşfiyyat İdarəsinin (QRU) keçmiş yüksək rütbəli zabiti Sergey Skripal və qızı Yuliya mart ayında Briyaniyanın Solsber şəhərində sinir-iflic maddəsiylə zəhərlənmişdi. London hadisəyə görə Rusiyanı ittiham edib. Moskva isə bütün ittihamları qəti surətdə rədd edir.

скачать dle 12.1

Şərhlər

XƏBƏR LENTİ