İran təhdidi tamamilə ortadan götürülməyənədək ABŞ hərbi qüvvələri Suriyada qalacaq.
GunAz.az ABŞ-ın ABC telekanalına istinadla xəbər verir ki, bunu ABŞ-ın Milli Təhlükəsizlik İdarəsinin məsləhətçisi Con Bolton deyib.
Bolton açıqlamasında Suriyada Bəşər Əsəd rejiminə dəstək verən İranı İŞİD terror təşkilatı ilə müqayisə edib:
“Hər ikisi dünya və bölgə üçün təhdid mənbəyidir. Buna görə də, Yaxın Şərqdə İŞİD-in regional xəlifəliyi və İran təhdidi tamamilə ortadan götürülməyənə qədər hərbi qüvvələrimizi Suriyadan geri çəkməyəcəyik. ABŞ Prezidenti Donald Tramp da, bunu qəti şəkildə bildirib”.
