“Bu gün ölkəmizin tarixində ən əlamətdar günlərdən biridir. Türkiyə yeni siyasi dövrə qədəm qoydu”.
GunAz.az Türkiyə mediasına istinadən xəbər verir ki, bunu Türkiyə prezidenti Rəcəb Tayyib Ərdoğan bildirib.
Ərdoğan prezident seçkilərində ona səs verən bütün vətəndaşlara minnətdarlığımı bildirib: “Biz prezident idarəetmə sisteminə keçərək, tariximizdə yeni bir mərhələyə başlayırıq. Qüdrətli Türkiyə güclü hökumət və parlament tərəfindən idarə olunacaq”.
Qeyd edək ki, bu gün Türkiyə prezidenti Rəcəb Tayyib Ərdoğanın inauqurasiya mərasimi keçirilib. Azərbaycanı tədbirdə baş nazir Novruz Məmmədov təmsil edib.
