Türkiyə 2019-cu ilə Antarktidada elmi baza tikməyi planlaşdırır.
Publika.az xəbər verir ki, bu haqda Türkiyə prezidenti Rəcəb Tayyib Ərdoğan tvitter səhifəsində yazıb.
Prezidentin sözlərinə görə, Antarktidada artıq 30 ölkənin obyektləri var.
“Türkiyə Antarktidada elmi stansiyalara malik deyil, amma 2019-cu ildə vəziyyət dəyişəcək. 2019-cu ildə burada elmi bazanı yaradacağıq. Beləliklə, artıq orada elmi stansiyalara malik olan ölkələrin siyahısına girəcəyik. Bizim dövrümüz perspektivlərin qlobal arzusunu tələb edir”, - Ərdoğan yazıb.
Qeyd edək ki, Türkiyə 1959-cu ildə Vaşinqtonda imzalanan Antarktida haqqında Müqavilənin iştirakçılarından biridir. Müqaviləyə əsasən, cənub qütb zonasında yalnız elmi fəaliyyətə icazə verilir. Hazırda Rusiya, ABŞ, Çin, Yaponiya, Yeni Zelandiya və Avropa ölkələri daxil olmaqla 50-dən ölkə müqavilənin iştirakçısıdır.
Soyuq qitədə təxminən 90 daimi və mövsümi qütb stansiyası fəaliyyət göstərir.
