Türkiyənin Konya vilayətində gecə saatlarında yağan güclü yağış səhər saatlarında dəhşətli görüntüləri ortaya çıxardı.
Gunaz.az “Milliyət” qəzetinə istinadən xəbər verir ki, fəlakət nəticəsində 166 ev və iş yerlərini su basıb, üç avtomobili isə sel aparıb.
Sel ən çox Meram mahalına zərər vurub. Belə ki, bu mahalda 121 ev və iş yeri, Selçuklu mahalında isə 45 ev və iş yerini su basıb.
Konya Böyük şəhər Bələdiyyəsinin xilasetmə qrupları, su basan yerlərdə xilas etmə işlərinə start veriblər.
