Türkiyənin Niğde bölgəsinin Yeşilgölcük qəsəbəsinin Bələdiyyə sədri Hakkı Şengül silahlı hücum nəticəsində vəfat edib.
Gunaz.az Türkiyə mətbuatına istinadən xəbər verir ki, Yeşilgölcük qəsəbəsinin Bələdiyyə sədri Hakkı Şengül bələdiyyədə işləyən fəhlə tərəfindən silahlı hücuma məruz qalıb.
Bədəninə dəyən 4 güllə nəticəsində ağır yaralanan Hakkı Şengül xəstəxanaya aparılsa da, həyatını xilas etmək mümkün olmayıb. Hadisəni törədib qaçan Sərxan T. daha sonra polisə təslim olub. Hadisə ilə bağlı istintaq işlərinə başlanılıb.
