İran prezidenti Həsən Ruhani Donald Trampa nüvə razılığı məsələsində xəbərdarlıq edib.
Gunaz.az bildirir ki, Həsən Ruhani İran dövlət televiziyasına açıqlamasında Vaşinqtonun nüvə sazişini pozduğu halda ciddi nəticələrlə qarşı-qarşıya qalacağını iddia edib.
Dünən Pekində çinli tərəfdaşı ilə görüşən Rusiya Xarici İşlər naziri Sergey Lavrov İran, Rusiya, ABŞ, Fransa, İngiltərə və Çin ilə Almaniyadan ibarət P5+1 ölkələrinin 2015-ci ildə imzaladığı nüvə sazişinə riayyət etdiklərini bildirmişdi. Nazir Çinlə birlikdə sazişin pozulmasına qarşı çıxacaqlarını vurğulamışdı.
Qeyd edək ki, ABŞ prezidenti Tramp seçilməzdən əvvəl və sonra Barak Obama dövründə imzalanan sazişi pozacağl ilə bağlı tez-tez fikirlər irəli sürür. Ancaq hələ bu məsələdə ciddi addım atılmayıb.
