Ermənistan polisi etiraz aksiyaların iştirakçılarına qarşı xüsusi vasitələrdən istifadə edib.
Gunaz.az-ın RİA Novosti-yə istinadən verdiyi məlumata əsasən, yürüş Yerevanın Erebuni rayonunda dayandırılıb. Polis etirazçıları mühasirəyə alıb, bir neçə asayiş keşikçisi kütlədən Paşinyanı çıxarıb.
Xatırladaq ki, daha öncə Paşinyan və Sarkisyan arasında qısa sürən danışıqlar nəticəsiz yekunlaşıb.
Qeyd edək ki, aprelin 13-dən Yerevanda müxalif deputat Nikol Paşinyanın rəhbərliyi ilə Serj Sarkisyanın baş nazir seçilməsinə qarşı etiraz aksiyası keçirilir. Etirazlar zamanı polislə aksiya iştirakçıları arasında qarşıdurmalar yaşanıb.
