Rusiya 2016-cı ildə ABŞ-da keçirilən prezident seçkilərinə müdaxilə etməkdə günahlandırılan vətəndaşlarını təhvil verməyəcək.
Gunaz.az xəbər verir ki, bunu Rusiya prezidenti Vladimir Putin “NBC News” qəzetinə verdiyi müsahibəsində bildirib:
“Heç vaxt. Rusiya, ABŞ kimi, öz vətəndaşlarını ekstradisiya etmir. ABŞ-da keçirilən prezident seçkilərinə müdaxilədə ittiham edilən 13 Rusiya vətəndaşı hökuməti təmsil etməyiblər”.
O, ABŞ-a rusiyalıların təqsirini sübut edən materialları təqdim etməsi ilə bağlı müraciət edib.
Xatırladaq ki, fevralın 16-da ABŞ Ədliyyə Nazirliyi prezident seçkilərinə müdaxilə etdikləri üçün 13 Rusiya vətəndaşı və bu ölkənin üç şirkətinə qarşı ittiham irəli sürüb.
