Ukraynanın Xarkov sərhədçiləri rüşvətdən imtina ediblər.
Bu barədə Dövlət Sərhəd Xidmətindən məlumat verilib. Sərhədçilərin özlərinin dediyinə görə, ilin başlanğıcından bəri bu, rüşvət təklif olunma ilə bağlı artıq səkkizinci hadisədir.
Fevralın 5-də Bakı-Xarkov qatarında növbəti dəfə belə hal yaşanıb. Ukraynaya girişi qadağan olunan 47 yaşlı azərbaycanlı qatar yoxlaması zamanı sərhədçilərə 2 min rubl rüşvət təklif edib.
Sərhədçilər isə rüşvətdən imtina etməklə yanaşı baş verənlərlə bağlı hüquq mühafizə orqanlarına müraciət ediblər.(Virtualaz.org)