ABŞ-ın sabiq birinci xanımı Mişel Obamanın 17 yanvar tarixində 54 yaşı tamam olub. Gunaz.az xəbər verir ki, eks-prezident Barak Obama xanımını ad günü münasibətilə təbrik edib.
Obama İnstaqramdakı səhifəsində yazıb: "Sən təkcə mənim arvadım və uşaqlarımın anası yox, həm də ən yaxşı dostumsan. Mən sənin gücünü, mərhəmətini və qətiyyətini sevirəm. Mən səni hər gün daha çox sevirəm. Ad günün mübarək, Mişel".
Mişel isə təbriklərə və çiçəyə görə ərinə təşəkkür edib. Eks-birinci xanım onu təbrik edən hər kəsə təşəkkür edib: "Mən bilirəm ki, bəzən ad günləri acı ola bilər. Amma sizin təbrikləriniz necə xoşbəxt ola biləcəyimizi xatırladır".
