Dollar qlobal valyuta bazarında sərt satışla üzləşib.
Gunaz.az "Report"-a istinadən xəbər verir ki, buna səbəb Çin hökumətinin ABŞ dövlət istiqrazlarını almaq qərarına yenidən baxmaq istəməsi xəbərləri olub. Çin hökumətinin rəsmiləri ABŞ dövlət istiqrazlarının alışını azaltmaq və ya ümumiyyətlə dayandırmaq istədiklərini bildiriblər.
Xəbərin açıqlanmasından sonra USD/EUR məzənnəsi 1,1920 səviyyəsindən 1,2010 səviyyəsinə qədər yüksəlib. Xatırladaq ki, Çin ABŞ dövlət istiqrazlarının ən böyük alıcısıdır. Onun əlində 1,18 trln. dollar, Yaponiyada 1,096 trln. dollar, İrlandiyanın əlində isə 310,8 mlrd. dollarlıq ABŞ dövlət istiqrazları var.
