"Ramazan bayramı ilə əlaqədar 65 min suriyalı mühacir ölkəsinə gedib"

Ramazan bayramı ilə əlaqədar 65 min suriyalı mühacir ölkəsinə gedib. 
Bu barədə Türkiyə baş nazirliyi yanında Təbii fəlakət və fövqəladə vəziyyətlərin idarəçiliyi üzrə idarənin (AFAD) rəhbəri Mehmet Halis Bilden Türkiyədə səfərdə olan bir qrup jurnalistlə görüşdə bildirib.
Onun sözlərinə görə, iki ölkə arasında qapılar o zaman açılır ki, ölkələrin hər ikisi legitim olsun: "Biz Suriyada Azad Suriya Ordusunun nəzarətində olan yerlə qapıları açmışıq. Bayrama görə vətəninə gedən suriyalılar qayıtsalar, biz yenə də onları məmnuniyyətlə qəbul edərik".
AFAD rəhbəri indiyədək ümumilikdə 65 min suriyalının da vətəninə qayıtdığını deyib: "Onlar Türkiyənin yardımı ilə Cerablus, Ərbab kimi şəhərlərdə yerləşdiriliblər".