ABŞ prezidenti Donald Trampın Meksika sərhədində tikdirmək istədiyi divarin qiyməti hesablanıb. İlkin hesablamara görə, divar 21,6 milyard dollara başa gələcək. Hesablamaları ABŞ Daxili Təhlükəsizlik Nazirliyi aparıb və bu barədə hesabat yayıb. Məlumata görə, sərhəddə ucaldılacaq divar 2000 km uzunluğunda olacaq. Tikinti işlərinin 2020-ci ildə başa çatacağı gözlənilir. Divarın tikintisi üçün maliyyə vəsaitinin kim tərəfindən ayrılacağı hələ dəqiq bilinmir. Tramp tikintinin Meksika tərəfindən maliyyələşdirilməsini tələb edir.
