1918-1920-ci illəri əhatə edəcək unikal fotolar ilk dəfə olaraq sərgilənəcək. Azərbaycan Cümhuriyyətinə də aid olan fotolar gələn il muzeyə təqdim olunacaq
Gürcüstanın paytaxtı Tbilisidə yerləşən Milli Muzeydə arxiv fotoları nümayiş olunacaq. GunAz.az xəbər verir ki, muzey bununla bağlı Gürcüstan arxiv idarəsinə müraciət edəcək.
1918-1920-ci illəri əhatə edəcək unikal fotolar ilk dəfə olaraq sərgilənəcək. Azərbaycan Cümhuriyyətinə də aid olan fotolar gələn il muzeyə təqdim olunacaq.
Qeyd edək ki, 1918-ci il 28 may tarixində Azərbaycanın 6 bənddən ibarət "Milli İstiqlal Bəyannaməsi" hal-hazırda muzey kimi fəaliyyət göstərən bu binada imzalanıb. Azərbaycan Milli Şurasının ikinci (1918-ci il 29 may), üçüncü (1918-ci il 1 iyun) iclaslarının protokolları da həmin dövrdə Qafqaz Canişin sarayı adlanan binada yazılıb. 1918-ci il iyunun 16-na qədər, yəni Gəncəyə köçənə kimi Azərbaycan hökumətinin üzvləri də bu binada yerləşiblər.
