SON DƏQİQƏ
» » ABŞ-ın tələbindən sonra Cəbəli-Tariq İran gəmisini sərbəst buraxmaqdan imtina edib

ABŞ-ın tələbindən sonra Cəbəli-Tariq İran gəmisini sərbəst buraxmaqdan imtina edib

Tarix:

15-08-2019, 19:50

/ 1 816 dəfə oxundu.
ABŞ-ın tələbindən sonra Cəbəli-Tariq İran gəmisini sərbəst buraxmaqdan imtina edib

Britaniyanın tabeçiliyində olan Cəbəli-Tariq regional hökuməti İranın Grace-1 neft gəmisinin ekipajını azad etsə də ABŞ-ın tələb və təzyiqindən sonra gəmini sərbəst buraxmaqdan imtina edib.

GunAz.az BBC.Farsi-ə istinadla xəbər verir ki, bu barədə Cəbəli-Tariq regional hökumətinin Ali Məhkəməsi mənbələri məlumat veriblər.

Məlumatda bildirilib ki, İranın Grace-1 neft gəmisinin ekipajına qarşı öncədən irəli sürülmüş ittihamlar götürülüb və onlar sərbəst buraxılıblar.

Lakin bu gün azad edilməsi nəzərdə tutulan gəmi barədə ABŞ Ədliyyə Nazirliyi tərəfindən Cəbəli-Tariq regional hökumətinə mesaj göndərilib. ABŞ Ədliyyə Nazirliyi Cəbəli-Tariq hökumətindən İran gəmisinin saxlanılması müddətinin uzadılmasını istəyib.

Cəbəli-Tariq Məhkəməsindəki rəsmi mənbələr açıqlayıblar ki, əgər ABŞ-ın tələbi olmasaydı indi Grace-1 sərbəst buraxılmışdı.

Qeyd edək ki, Britaniya dəniz qüvvələri ay yarım öncə Cəbəli-Tariq sahilinə yaxın sularda İranın Grace-1 neft gəmisini saxlayıb. Britaniya bu addımı İran gəmisinin "Avropa İttifaqının Suriyaya tətbiq etdiyi sanksiyaları pozduğuna görə" atdığını bildirib. Buna cavab olaraq İran da ötən ay Hörmüzdə bir Britaniya gəmisini, "dəniz nəqliyyatı təhlükəsizlik qaydalarını pozduğuna görə" saxlayıb.

скачать dle 12.1

Şərhlər

XƏBƏR LENTİ