İyulun 19-da Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha səmərəli hazırlaşmalarına kömək məqsədilə elektron sınaq imtahanı keçirilib.
DİM-dən GunAz.az-a bildirilib ki, AA, AB, AC, BA və BB qrupları üzrə keçirilən imtahan saat 10-da başlanıb. Namizədlər imtahanı DİM-in Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə veriblər.
Xatırladaq ki, imtahanda iştirak etmək üçün onlayn qeydiyyat bu gün saat 9-da başa çatıb.
