Rusiyanın Yaroslavl şəhərində 18 yaşlı azərbaycanlıya qarşı qaldırılmış cinayət işinə xitam verilib. Yaroslavl telekanalının məlumatına görə, 15 yaşlı qızla intim əlaqədə ittiham olunan azərbaycanlını yerli qanunvericiliyə uyğun olaraq cəza gözləyirdi. Məktəbli qızın hamilə qalması barədə müvafiq orqanlara məlumatı həkim verib. Bundan sonra azərbaycanlı gənc barədə iş açılıb. Lakin həmyerlimiz məhkəmədə qızı sevdiyini sübut edə bildiyindən cinayət işinə xitam verilib. Gənclər evləniblər, onların övladı dünyaya gəlib.
