GunAz.az xəbər verir ki, bunu “Ölkə.Az”a açıqlamsında “Bakı Metropoliteni” QSC-nin Mətbuat xidmətinin rəhbəri Bəxtiyar Məmmədov deyib.
Onun sözlərinə görə, yeni vaqonlar Rusiyadan alınacaq.
“Bu qatarlar ən müasir avadanlıqlarla- kondinsioner və digər avadanlıqlarla təmin olunacaq. Onu da deyim ki, bu vaqonlar xüsusi olaraq Bakı metropolitenin xarakterlərinə uyğun hazırlanacaq. Bu qatarlarla “BakıMetropliteni” QSC-nin tələblərinə uyğun olaraq texniki şərtlər əlavə olunub. Ümumiyyətlə bu vaqonlar xüsusi olaraq Bakı metroları üçün hazırlanacaq. Çünki Bakı metrosu ilə Moskva metroları, iqlim şəraiti və digər məsələlərdə fərqliliklər var, bu qatarlar da həmin texniki şəraitlərə uyğun hazırlanacaq”,- deyə B. Məmmədov vurğulayıb.
O, əlavə edib ki, yeni qatarlar iyun ayından etibarən Bakıya gətiriləcək və sazlamadan sonra tədricən paytaxt sakinlərinin istifadəsinə veriləcək. ”Ümumiyyətlə, bundan sonra Bakı metrosunda istismar müddəti çıxan qatarları müasirləri ilə əvəz edəcəyik”, - Məmmədov bildirib.
