Dağıstanda Rusiya-Azərbaycan sərhədində Samur çayı üzərindən keçəcək avtomobil körpüsü aparılan işlərin qrafikinə uyğun olaraq 2019-cu ildə istismara veriləcək.
GunAz.az Trend-ə istinadən məlumat verir ki, bu barədə Rusiyanın nəqliyyat naziri Yevgeni Ditrix Dağıstana işgüzar səfəri çərçivəsində bildirib.
Qeyd edək ki, körpünün tikintisinə hələ ötən il başlanılıb.
Nazir bildirib: "Yazda bizdə tikinti ilə bağlı bəzi texniki problemlər var idi. Artıq bu problemlər həll edilib, tikinti işləri qrafik üzrə gedir və obyekt müəyyən edilmiş vaxtda təhvil veriləcək.
Qeyd edək ki, tikintinin dəyəri 1,2 milyard rubl təşkil edir.
