Bir neçə gün öncə Salyan rayonunun Qaraçala qəsəbəsində gəlin toy mərasiminə bir gün qalmış başqasına qoşulub qaçıb.
GunAz.az xəbər verir ki, bəy, qız evinə gedən zaman gəlinin başqa bir oğlana qoşulub qaçdığını öyrənib. Bu zaman məlum olub ki, gəlin toydan bir gün öncə, yəni, el arasında “heyvankəsdi” adlanan vaxt evdən qaçıb. Çıxılmaz duruma düşən bəy, toy günü bir neçə saat ərzində başqa bir gəlin taparaq evinə gətirib.
Bəyin atası olmadığı üçün toyun bütün yükünü üzərinə götürən dayısı Aqil Qasımov məsələ ilə bağlı danışıb:
“Heyvan kəsirdik, qızın atası zəng elədi. Dedi ki, heyvanı qoy yerə, qız Rza adlı oğlanlaa qaçıb. Həmin oğlan 2-3 il bundan əvvəl mənim dayım qızını almışdı. 2 il ailəli olduqdan sonra dayım qızı acıq eləyib atası evinə qayıtdı. Hələ boşanmayıblar. İndi də xalam qızını qaçırdı. Artıq olan-olub. Qızın cehizi bizdədir. Atasına da demişəm, gəlsin bizə dəymiş zərəri ödəsin, cehizləri aparsın. Olmasa məsələ məhkmədə həll olunacaq. Bacıma da demişəm, sona qədər arxasında dayanmışam”.
Toya kifayət qədər pul xərcləyən ailə vəziyyətdən çıxmaq üçün digər varianta əl atıb. Elə toy günü qonşu Qarabağlı kəndindən olan qohum qızlarından birini evinə gəlin gətirib.
Qaracala kənd sakinlərinin sözlərinə görə isə, gəlin toydan bir gün əvvəl sevdiyi oğlanla qoşulub qaçıb. Onlar valideynlərin təkidi ilə nişanlanıb. Aralarında sevgi olmayıb. Amma hər ikisinin sevdiyi olub. Sadəcə valideynlər öz aralarında razılığa gəldiyindən gənclər buna qarşı çıxa bilməyib. Toya bir gün qalmış qız öz istədiyi ilə qoşulub qaçıb. Oğlan da gedib öz sevdiyi qızı götürüb gəlib.
