Bir jurnalist olaraq tez-tez ezamiyyətdə olduğum üçün özümə yeni müasir
əl telefonu aldım. Bir neçə il işlətmişdim ki, telefonumun ekranı qəflətən
söndü. Ustalar dedilər ki, ekran dəyişilməlidir. Ustaya 60 manat ödəyib, ekranı
dəyişdirdim. Telefonumun ekranı göstərsə də şəkil çəkən yerini usta xarab
etmişdi. Nə qədər desəm də usta dedi ki, siz ekranı dediniz, mən də dəyişdim.
Nə isə…
Əl telefonumda həm sim, həm də cin kart işlədirəm. Elə gün olmur ki, hər
iki nömrəyə "kontur" yükləməyəm. "Kontur" yükləməyimlə qurtarmağı bir olur. İndi
isə telefonuma zəng vursalar da eşitmirdim.
"28 may” metrosunun yaxınlığındakı təmir ustalarından birinə yaxınlaşdım.
Usta telefonun menyusunu bir az qurtdalayıb dedi: Apar proqramistə.
Proqram ustası dedi: 10 manata telefonu "format" edəcəm, bütün əl
nömrələri, şəkilləri itəcək. Razısan?
Bakcell-in rəsmi dillerinə yaxınlaşdım. O isə Baş ofisə getməyi məsləhət
gördü.
Baş ofisdə qəbz alıb bir az gözlədim. Yanımda 75 yaşlı bir ahıl kişi hey
danışırdı: Bu telefonuma dəqiqədə bir mesaj gəlir ki, sən hansısa oyuna
qoşulmusan. 5 manat yükləmişəm. Balans sıfır (0) göstərir. Xəstə adamam.
Bakcell bizi çox incidir. Məlum olur ki, Rabitə və İnformasiya Texnologiya
Nazirliyinə müraciət edən işbaz şəbəkələr ümumi dil tapır və Bakcell, eləcə də
Azercell xidmətlərindən istifadə edərək öz reklamını edərək vətəndaşları
istər-istəməz şəbəkəyə qoşur və külli miqdarda haram pul qazanırlar.
Əsəb gərginliyi keçirən Həsənov Əhməd öz əl telefonunu deyir: (055)
305-44-50.
Ay bala, yatdığım yerdə mənə mesaj gəlir.
Bu şəbəkələr, Bakcell rəhbərləri camaatı dolayıb.
Mühafizəçi isə deyir:
Bakcell-in rəhbərləri Port Bakı-da oturur. Bilmirəm ingilisdir, ya yox, heç
buraya gəlmirlər.
Öz-özümə fikirləşirəm ki,
ingilis bizim qeydimizə qalarmı?
Nəhayət, müştəri xidməti
agenti nömrəmi yoxlayaraq deyir: Siz Veolinqə qoşulmusunuz. 9580, 9515-dən sizə
mesaj gəlir və sizin konturdan pul tutulur.
Öz-özümə fikirləşirəm ki,
axı mən necə olub ki, bu başqatan şəbəkəyə qoşulmuşam?
Eşitmişdim ki, əsəb insan
qocaldır. Sən demə, əsəb insanda bir çox xəstəliklər də əmələ gətirirmiş.
Dayanacaqda Million və Payfoin-dən kartuma kontur yükləmək istəsəm də,
pul gedir, qəbz gəlir, amma kartım yenə də boşdur. Heyf, bir manatım da belə getdi deyib
kor-peşiman Azercell-in dillerini soraqlayıb tapıram. Müştəri xidmətçisi agenti
deyir ki, sistem səhərdən işləmir. Rabitə və İnformasiya Texnologiya
Nazirliyində sistem yenilənir. Odur ki, 3-4 saat gözləməli olacaqsınız. Bəlkə
Baş ofisə gedəsiniz. Statistika Komitəsi ilə üzbəüz Azercell-ə yaxınlaşıram.
Müştəri xidmətçisi agenti telefonumu yoxlayır və deyir: Siz Celltıck şirkətinə
qoşulmusunuz. 6045-dən sizə mesaj gəlir və konturunuzdan pul tutulur. Dünya
adətləri bölümünə daxil olmusunuz. 5011 stop, eləcə də 9008, 50-10 stop yazın
SMS-ləri ləğv edin.
Müştəri xidmətləri
təmsilçisi Orxan Bağırov məni səbirlə dinləyir və bütün xidmətləri zəng edərək
dayandırır. Bu gəncin mehriban, nəzakətli danışığı mənim əsəblərimi qismən də
olsa sakitləşdirir.
Fikirləşirəm ki, 170 manat
təqaüdümün nə yaxşı ki, yarısı sələmçi bankların hesabına keçir, yoxsa tamam ac
qalardıq ki…
Onu da qeyd edim ki,
nömrənin surətini çıxardaraq axşam saat 7:00-da özümü birtəhər evə çatdırdım.
Günorta yeməyimi yeyib bir az toxdadım. Bütün bunlar həyatımızın reallığıdır.
Vətəndaşlara bu qədər
əziyyət vermək yaramaz. Çalışaq əsəblərimizi qoruyaq.
Rauf İlyasoğlu