Qarlı və şaxtalı hava şəraiti nəticəsində 31 yanvar və 1 fevral tarixlərində 7 nəfər qarda sürüşərək xəsarət alıb. Bakı şəhər Təcili və Təxirəsalınmaz Tibbi Yardım Stansiyasından bildirilib ki, onlardan 4 nəfəri xəstəxanaya yerləşdirilib, 3 nəfərə isə yerində tibbi xidmət göstərilib. Travmalar əsasən aşağı ətrafların zədələnmələri ilə bağlı olub. Məlumata görə, qarlı hava şəraiti ilə əlaqədar Bakının şəhərinin daha çox qar yağan ərazilərinə ( Yeni Yasamal, 9-cu mikrorayon və.s) xüsusi təcili tibbi yardım maşınları göndərilib: "Tırtıllı təcili tibbi yardım maşınları, bundan başqa hər iki oxu çəkən avtomobillər də qarlı və şaxtalı havalarda əhaliyə xidmət üçün hazırdır”.
